في امور بنجبر عليها
ومفيش في ايدينا حاجة فيها
نعمل اية فيها
مفيش حاجة الا انك تستمتع بيها
دخلت كلية مش علي مزاجك
دا عشان التنسيق او لائ سبب من الاسباب
هتعمل اية؟؟
سنة والتانية بقيت مجبر عليها
خلاص بقي استمتع
اتقدمت في شغل ومقبلتش واشتغلت حاجه تانية
خلاص بقي استمتع
صاحبك او الانسان اللي بتحبه خانك وغدر بيك وظلمك
خلاص بقي هتعمل اية
خلاص بقي استمتع
عندك مرض معين وبقي مزمن يعني مفيش حاجة الا انك تتعايش معاه
هتعمل اية
خلاص بقي استمتع
تمتعراكب مواصلات وهو طريق واحد والسكة واقفه هتطلع الموبايل تشوف الساعه كل شوية
وتضايق وتاكل في نفسك هتعمل اية يعني
حط موبايلك في جيبك وانسي الوقت لحد اما توصل
خلاص بقي استمتع
مش بتحب الشاي من غير سكر
جالك لقدر الله مرض السكر
وطعم الشاي وحش ومر لكن مجبر تشربة كدا
خلاص بقي استمتع
عندك عربية قديمة العفشة تعبانه والسمكرة بايظة
ومش معاك فلوس تصلحها او تشتري واحده غيرها
خلاص بقي استمتع
شخص بتحبه مات او حتي مات في نظرك
كثره البكاء هتفيد بايه عليه هل هترجعه تاني؟
خلاص بقي استمتع
ظلمك شخص ومش قادر تعمل معاه حاجة
يبقي في ايدك اية تاني تعمله
سيبه لربنا هيجبلك حقك
وادعي عليه لو ظلمك بجد حسبنا الله ونعم الوكيل
خلاص بقي استمتع
في ايدينا اية نعمله تاني
مفيش ورانا الا الاكتئاب.. او نشكوي ونتضرر من الواقع
ولاهتأخد اكتر من رزقك واللي فاتك خلاص
هنعمل اية يعني
نتكيف مع الواقع طالما مش قادرين نغير للاحسن
عيش حياتك
مفيش وقت فيها للهم ولا الحزن
اتعامل مع المتاح قدامك
فليس كل مايريده المرء يدركه ولاتأتي الرياح بما تشتهي السفن
خلاص بقي استمتع
